Andhra News: ప్రకాశం జిల్లాలో సైకో వీరంగం.. అన్నదమ్ములపై గొడ్డలితో దాడి

పెద్దదోర్నాల: ప్రకాశం జిల్లా పెద్దదోర్నాల మండలం ఎడవల్లిలో ఓ సైకో వీరంగం సృష్టించాడు. గ్రామంలో ఇద్దరిపై గొడ్డలితో దాడి చేశాడు. వివరాల్లోకి వెళితే.. ఎడవల్లికి చెందిన బత్తుల శ్రీనివాసులు కొంతకాలంగా మూగజీవాలు, వ్యక్తులపై దాడి చేస్తూ సైకోలా ప్రవర్తిస్తున్నాడు.

ఈ ఉదయం అదే గ్రామానికి చెందిన అన్నదమ్ములు రమణయ్య, వెంకట నారాయణలపై గొడ్డలితో విచక్షణా రహితంగా దాడికి పాల్పడ్డాడు. గమనించిన స్థానికులు క్షతగాత్రులను చికిత్సనిమిత్తం దోర్నాల సామాజిక ఆస్పత్రికి తరలించారు. అక్కడ ప్రాథమిక చికిత్స అనంతరం మెరుగైన వైద్యం కోసం గుంటూరుకు తరలించారు. సైకోపై చర్యలు తీసుకోవాలంటూ బాధితుల కుటుంబీకులు పోలీసులకు ఫిర్యాదు చేశారు. ఈ ఘటనపై పోలీసులు విచారణ చేపట్టారు.