దారుణం.. మైనర్లయిన అక్కాచెల్లెలిపై గ్యాంగ్‌ రేప్‌: ఐదుగురు యువకులు అరెస్టు!

లఖ్‌నవూ: ఉత్తర్‌ప్రదేశ్‌లో మరో దారుణం వెలుగులోకి వచ్చింది. అక్కాచెల్లెళ్లయిన ఇద్దరు మైనర్‌ బాలికలపై మావూ జిల్లాలో సామూహిక అత్యాచారం జరిగినట్టు పోలీసులు ఆదివారం వెల్లడించారు. 17, 15 ఏళ్ల వయసున్న ఇద్దరు బాలికలపై ఐదుగురు యువకులు అఘాయిత్యానికి పాల్పడినట్టు పోలీసులు తెలిపారు. బాలికల తండ్రి ఇచ్చిన ఫిర్యాదు మేరకు నిందితులను శనివారం అరెస్టు చేసినట్టు వెల్లడించారు. ఈ ఘటన ద్వసరై గ్రామంలోని ఘోసి పోలీస్‌ స్టేషన్‌ పరిధిలో చోటుచేసుకోగా.. బాలికల తండ్రి జూన్‌ 30న ఫిర్యాదు చేసినట్టు తెలిపారు. తన కుమార్తెలిద్దరూ బహిర్భూమికి వెళ్లిన సందర్భంలో నిందితులు దాడికి పాల్పడ్డారని ఫిర్యాదులో పేర్కొనగా.. వారిపై పోక్సో చట్టంలోని పలు సెక్షన్ల కింద కేసులు నమోదు చేసినట్టు పోలీసులు చెప్పారు. నిందితులంతా 19 నుంచి 23 ఏళ్ల లోపువారేనన్నారు.